انڈیا میں نوجوان کی ٹک ٹاک پر خود کشی

بھارت میں  چوپیس 24 سالہ رکشا ڈرائیور نے زہر پی کر اپنی زندگی کا خاتمہ کرلیا اور ٹک ٹاک پر شیئر کرنے کے لیے خودکشی کی ویڈیو بھی بنائی۔ 

بھارتی میڈیا کے مطابق بنگلور میں 24 سالہ نوجوان  دھنن جایا نے جاں کنی کی تکلیف اور کرب کا اندازہ کرنے کے لیے خود کشی کا فیصلہ کیااور دکان سے کیڑے مار دوا لی اور ٹک ٹاک پر ویڈیو بناتے ہوئے دوا پی لی۔

ویڈیو میں نوجوان نے کہاہے   کہ میں موت کو محسوس کرنا چاہتا ہوں اس لیے یہ ویڈیو بھی بنا رہا ہوں۔ علاقہ مکینوں نے نوجوان کو اسپتال پہنچایا جہاں وہ دوران علاج  ہی چل بسا۔

یہ پہلا موقع نہیں جب دھنن جایا نے اپنی موت کو ٹک ٹاک پر ریکارڈ کرنا چاہا ہو    بلکہ   اس سے قبل وہ اپنی موٹر سائیکل کو ایک درخت پر چڑھا چکا ہے تاہم خوش قسمتی سے وہ بچ گیا تھا۔

اہل خانہ نوجوان کی اس خواہش سے سخت پریشان تھے اور اسے  یہ خطرناک کھیل کھیلنے سے روکتے تھے۔ لاک ڈاؤن کی وجہ سے وہ بیروزگار تھا اور اس دوران گھر میں آئے دن جھگڑے ہوتےہی   رہتے تھے۔

علاقہ مکینوں کا کہنا ہے کہ دھنن جایا پہلے بھی اپنی   ماں  ماں کو خودکشی کرنے کا کہہ کر ڈراتا رہتا تھا اور حال ہی میں ہونے والی شادی کے بعد بھی وہ سدھرا نہیں تھا۔