ٹک ٹاک بناتے ہوئے ایک اور نوجوان زندگی کی بازی ہار گیا

کراچی: تنویر نامی نوجوان پستول کے ساتھ ٹک ٹاک  بنارہا تھا کہ گولی چلنے سے موقع پر ہی جاں بحق ہوگیا

ایکسپریس نیوز کے مطابق پاکستان سمیت دنیا بھر میں ٹک ٹاک بناتے ہوئے نوجوانوں کی موت واقع ہونے کے واقعات سامنے آتے  ہی رہتے ہیں، تاہم ٹک ٹاک کا جنون کم  ہی نہیں ہورہا، اور ٹک ٹاک کا شوقین  پھر ایک اور نوجوان زندگی کی بازی ہار گیا۔

پولیس کے مطابق کراچی کا رہائشی 17 سالہ تنویر والد کی پسٹل کنپٹی پر رکھ کر ٹک ٹاک بنا رہا تھا اور اسے معلوم نہ تھا کہ پسٹل کے چیمبر میں گولی  بھی ہے، اور ٹک ٹاک بناتے ہوئے گولی چلنے سے موقع پر ہی جاں بحق ہوگیا  گیا۔

پولیس کا کہنا ہے کہ متوفی سچل تھانے کی حدود سکندر آباد کا رہائشی تھا اور موت کا باعث بننے والا پسٹل لائسنس یافتہ ہے، تنویر کے ورثا نے پوسٹ مارٹم کرانے سے انکار کردیا ہے، پولیس نے ضابطے کی کارروائی کرکے لاش ایدھی سرد خانے میں  میں رکھوادی ہے۔