کوئٹہ کی ماڈل کورٹ کے جج دوست محمد خان مندوخیل نے ٹریفک اہلکار کے قتل کیس کی سماعت کرتے ہوئے عدالت میں پیش ہونے والے ملزم سابق ایم پی اے مجید خان اچکزئی کو عدم ثبوتوں کی بنیاد پر بری کرنے کا حکم سنا دیا ہے۔
خیال رہے کہ 2017 میں ٹریفک سارجنٹ عطاءاللہ خان کوئٹہ کی جی پی او چوک میں اپنے فرائض سرانجام دے رہا تھا کہ پیچھے سے آنے والے گاڑی نے اسے کچل ڈالا، گاڑی کی ٹکر سے ٹریفک سارجنٹ عطاءاللہ خان شدید زخمی ہو گیا جسے فوری طور پر ہسپتال منتقل کیا گیا، لیکن وہ دوران علاج ہی دم توڑ گیا۔
مذکورہ حادثے کی سی سی ٹی وی فوٹیج منظر عام پر آنے پر معلوم ہوا کہ جس گاڑی نے ٹریفک سارجنٹ عطاءاللہ خان کو ٹکر ماری ہے وہ پشتونخوامیپ کے رکن بلوچستان اسمبلی مجید خان اچکزئی کی ہے، جس پر ان کے خلاف قتل کیس کا مقدمہ درج کرلیا گیا تھا۔
لیکن اب ان کے خلاف عدم ثبوت کی بنا پر انہیں با عزت بری کر دیا گیا ہے۔
Comments
Post a Comment