عمان : اب فضاؤں میں بے شمار ڈرون اُڑتے ہوئے نظر آئیں گے

 

مسقط : سلطنت عمان میں محکمہ شہری ہوابازی نے ڈرون اڑانے کی اجازت دی ہے، اس حوالے سے قواعد و ضوابط جاری کردیے گئےہیں۔

عمانی ذرائع ابلاغ کے مطابق محکمہ شہری ہوابازی نے اپنے بیان میں کہا ہے کہ جو لوگ ریموٹ کنٹرول سے ڈرون اڑانا چاہیں گے انہیں اس کی اجازت ہوگی پلیٹ فارم، آلات کے ذریعے بھی ڈرون اڑانا ممکن ہوگا جبکہ خود کار سسٹم سے چلنے والے ڈرونز بھی  اب مصنوعی ذہانت کی مدد سے اڑائے جاسکیں گے۔

عمانی محکمہ شہری ہوابازی کے مطابق ڈرونز تصویر کشی، فضائی جائزے، دواؤں کے چھڑکاؤ، سازوسامان کی منتقلی  ۔ لاپتہ افراد

کی تلاش اور امدادی عمل کے لیے چلائے جاسکیں گے۔

بیا ن میں  مزید کہا گیا کہ محکمہ شہری ہوابازی کی منظوری کے بغیر ڈرونز درآمد کیے جاسکیں گے اور نہ ہی انہیں اندرون ملک تیار کیا جاسکے گا۔ ان  کے کے فاضل پرزے بھی باہر سے نہیں منگوائے جاسکیں گے۔ اس کے لیے پہلے سے محکمہ شہری ہوابازی اور محکمہ کسٹم سے رجوع کرنا ہوگا۔

محکمہ شہری ہوابازی کا کہنا ہے کہ اس پابندی سے  فوجی فوجی و سیکیورٹی ادارے مستثنی ہوں گے۔ علاوہ ازیں بند عمارتوں میں اندرونی استعمال والے ڈرونز اور بچوں کے کھلونوں والے ایسے ڈرونز بھی مستثنی ہوں گے جن کا وزن 250  دوسو  پچاس گرام سے زیادہ نہ ہو اور جو زمین سے سو میٹر سے زیادہ اونچے نہ ہوں۔