غلام بن کر نہیں رہ سکتا عزت کی زندگی جینے کا فیصلہ کرلیا ہے، نواز شریف

لاہور / لندن: سابق وزیراعظم نوازشریف نے کہا ہے کہ ملک میں غلام بن کر نہیں رہ  بلکہ پاکستانی بن کر رہنا چاہتا ہوں  عزت کی زندگی جینے کا فیصلہ کرلیا ہے۔

 نیوز  باے  ھانیہ کے مطابق سابق وزیراعظم نوازشریف کی زیر صدارت مسلم لیگ ن کی سینٹرل ایگزیکٹو کمیٹی (سی ای سی) کا اجلاس  لاہور میں ہوا، جس میں مریم نواز، احسن اقبال، شاہد خاقان، محمد زبیر، راجہ فاروق  بھی شریک ہوئے۔ اجلاس میں شہباز شریف کی گرفتاری سے پیدا ہونے والی صورتحال پر غور، درپیش حالات کے پیش نظر سیاسی حکمت عملی اور مستقبل کے لائحہ عمل پر مشاورت  بھی کی گئی۔

اجلاس سے ویڈیو لنک کے ذریعے خطاب کرتے ہوئے مسلم لیگ ن کے قائد نوازشریف کا کہنا تھا کہآ تو ہم انگریزوں کی غلامی سے نکل کر اپنوں کی غلامی میں آ گئے ہیں۔ ہم آزاد شہری نہیں ہیں، اپنے اپ سے پوچھے کیا اپ ازاد شہری ہیں؟ وہ وقت دور نہیں  جب تمام چیزوں کا حساب دینا ہوگا۔  دوٹوک فیصلہ کیا ہے کہ ذلت کی زندگی ہم نہیں جی سکتے۔ ظلم، زیادتیوں کے خلاف کھڑے ہونے کا قوم نے فیصلہ کرلیا تو تبدیلی سالوں میں نہیں  آ  سکی  وہ چند مہینوں اور ہفتوں میں آجائے گی۔

انہوں نے اجلاس میں شریک اپنے اراکین اسمبلی سے سوال کیا کہ جس پارلیمنٹ کے آپ کے رکن ہیں وہ کتنی خود مختار  ہیں۔ مجھے لوگوں سے پتہ چلتا ہے کہ اس پارلیمنٹ کو کوئی اور چلا رہا ہے۔ دوسرے لوگ  پارلیمنٹ میں آ کر بتاتے ہیں کہ آج ایجنڈا کیا ہو گا؟ پارلیمنٹ کو ربڑ اسٹیمپ بنا دیا گیا ہے۔

نواز شریف کا کہنا تھا کہ  جسے لائے ہیں اس کا ذہن خالی ہے، پچھتا تو رہے ہوں گے، آپ لائے آپ کو ہی جواب دینا ہوگا۔  یہ بندہ تو قصور وار ہے ہی لیکن لانے والے اصل قصور وار ہیں اس کا جواب بھی انہیں  دینا ہوگا۔ پی ڈی ایم کا فیصلہ ہے کہ اس کا جواب دینا ہوگا۔

سربراہ مسلم لیگ ن نے کہا  کہ روزانہ بنیادوں پر پارٹی کو دستیاب رہوں گا، پارٹی جو فرض سونپے گی ادا کروں گا آپ کی مشاورت کا منتظر ہوں کہ ان مقاصد کے حصول کے لئے کیا حکمت عملی ہونی چاہئے ۔

انہوں نے کہا کہ   میں  شہبازشریف کےساتھ سلوک پردکھی ہوں، ہمارے بچوں کے ساتھ جو سلوک ہورہا ہے  ایسا تاریخ میں ایسا سیاہ رویہ نہیں ہوا، جو کچھ  ہو رہا ہےاس سے ہمارےجذبے مزید بڑھے ہیں، اور  ہم اپنی جدوجہد مزید تیزکریں گے۔

نوازشریف کا کہنا تھا کہ ہمیں فخر ہے کہ ہمارے ساتھی جرات سے حالات کا مقابلہ کر رہے ہیں  اور شہبازشریف نے بے مثال جرات وبہادری اور استقلال کا مظاہرہ کیا ہے  انہوں نے مشکلات کے سامنے سرنہیں جھکایا،  ہمارے بیانیے کو تقویت دینے میں کردار ادا کیا، اور وفاداری و نظریاتی وابستگی کی مثال قائم کی۔ مشکل کو برداشت کرکے کردار اد اکریں گے تو قوم کو تمام مصیبتوں سے نجات مل جائے گی۔

قائد ن لیگ نے کہا کہ شہبازشریف کو سیلوٹ کرتا ہوں کہ انہوں نے دیانتداری سے قوم اور ملک کی خدمت کی، پنجاب میں دن رات محنت کرکے بجلی کے کارخانے لگائے  اور اسحاق ڈار نے وسائل مہیا کئے، یہ تمام   کریڈٹ شہبازشریف، خواجہ آصف اور شاہد خاقان عباسی کی ٹیم کو جاتا ہے۔ ان سرکاری افسران کو بھی سلام پیش کرتا ہوں جنہوں نے توانائی کی قلت ختم کرنے میں  اہم کردار ادا کیا۔